Allt og ekki neitt

Allt er þegar þrent er...

2012-03-10T20:40:00.000+01:00

...það vona ég allavega í þessu tilfelli!

Ég er búin að eiga þrjá óhappadaga í röð núna. Eitt óhapp á dag kemur skapinu svo sannarlega ekki í lag.

Í fyrradag klipti ég of stórt gat fyrir vasa á jakkanum sem ég er að sauma, í gær tapaði ég 200 krónum í miðbænum og í dag læsti ég lykilinn minn inni í skáp í ræktinni. Ég hló nú samt bara að þessu síðasta þó svo að það hafi verið svolítið vandræðalegt að fara fram í afgreiðsluna til þess að fá lánaða stóra klippu svo ég gæti klipt hengilásinn í sundur. En okkur Hafdísi tókst að klippa lásinn í sundur :o)

Mér var hugsað til þess í gær að eitthvað hlyti að gerast í dag, ég er bara mjög ánægð með að það hafi ekki verið neitt alvarlegra enn að læsa lykillinn minn inni í skáp.

Vasanum náði ég að redda, hann verður bara aðeins stærri enn hann átti að vera. Annars gengur bara vel með verkefnið, er aðeins á eftir áætlun með möppuna en því verður reddað með löngum vinnudögum. Skil á fimmtudaginn og nóg að gera....

Vorið er komið og grundirnar gróa...

2012-03-01T17:16:00.000+01:00

....yndislegt veður allavega hjá okkur núna.

Sól, smá vindur og ca 10°C.

Fuglasöngur úr öllum áttum og fullt af fólki úti á göngu.

Sumarfílingurinn er alveg að koma, allavegana er löngunin í ís farin að kræla á sér og það boðar bara sumar ;o)

Þessi mynd er tekin í apríl í fyrra.

Mikið hlakka ég til að geta farið aftur í svona ferð í dýragarðinn! :)

Eða bara geta setið úti í garði og notið blíðunnar.

Vonandi verður biðin ekki svo löng ;o)

Lægð

2012-02-27T21:55:00.000+01:00

Ég á mjög erfitt með að standast freistingar! Og þess vegna ákvað ég eftir að hafa farið þrjá daga í skólann í fríinu og gert sam' og sem ekkert að nú skyldi ég bara vera heima. Ég tók mér því langa helgi í frí, ætlaði að læra smá en það varð auðvitað ekki úr neinu. Ég veit ekki alveg hvað er að mér. Einhverstaðar týndi ég nennunni og metnaðinum. Ég þarf svo að taka mig saman og gefa sjálfri mér STÓRT spark í rassgatið!!! :o/
En ég mætti samt í skólann í dag með þá huggsun að nú skyldi þetta gerast. Ég vonast til þess að ég nái að klára munstrið mitt á morgun. Og þá get ég farið að gera allt hitt sem ég þarf að gera fyrir þetta verkefni. Smá spark, sem verður fastara með tímanum ;o)

Í gær kom ég mér vel fyrir í sófanum með þessar bækur og blað. VÁ hvað það var notarlegt að slappa af og njóta þess að skoða nýjar og nýlegar bækur. Ótrúlega langt síðan að ég hef notið þess svona að skoða bækur og hafa það kósý....meira af því takk fyrir ;o)

Og auðvitað gat ég ekki hamið mig og bakaði tvær gerðir af muffins á laugardaginn :o) Það er svo ótrúlega mikill munur að hafa hrærivel! Deigið verður svo mikið betra....algjör draumur ;o) elska það. Það er svo mikið skemmtilegra að baka núna :o) Sem er bæði gott og slæmt því við ætluðum jú að minka sætindin...

Þangað til næst

Tinna

Konudagur

2012-02-19T20:26:00.000+01:00

Fékk þessa KitchenAid í gjöf frá Erni. Ég er í skýjunum og brosið er mjög breitt...alveg út að eyrum! :o)

Græjan var prófuð í dag. Og auðvitað voru bakaðar bollur í tilefni af bolludeginum á morgun. En það var auðvitað ekki nóg að gera eina sort, svo ég bakaði líka sítrónuköku með bláberjum. Ný uppskrift sem ég varð að prófa. Og hún bragðast bara nokkuð vel.

Ég er komin í vikufrí í skólanum (vetrarfrí). En ég ætla mér nú samt að mæta í skólann og læra því það er nóg að gera. Vona bara að kvefið sem ég er komin með stoppi stutt. Annars er það mjög freistandi að vera bara heima og hafa það kósý! :o)

Vona að bolludagurinn verði ykkur góður

Skemmtun og kvartmál

2012-02-15T22:13:00.000+01:00

Við skelltum okkur á þorrablót hjá íslendingafélaginu hérna í Álaborg á laugardaginn síðasta. Við borðuðum á okkur gat, sungum úr okkur röddina, dönsuðum af okkur skóna og skemmtum okkur frábærlega vel! ;o)

Síðustu dagar hafa svo farið í að teikna kvartmál. Fínnt að dunda sér við þetta, en leiðinlegt til lengdar! Og núna er ég allveg að vera búin að fá nóg ennnn það er fullt eftir :o/

Við fengum verkefni á mánudaginn í skólanum sem hljóðar upp á að hanna 15 flíkur, sauma eina af þeim (verður af vera með "öðruvísi" ermum) og gera allt sem því fylgir. Sem sagt stórt verkefni, stór mappa sem á að innihalda allt sem prófmappan á að innihalda. Það er verið að undirbúa okkur fyrir próf eftir tæpt ár. Innblásturinn á að vera frá áratugunum 1940 eða 1950. Spennandi verkefni og nóg að gera! :o)

Nýtt upphaf

2012-02-08T21:26:00.000+01:00

Ný önn, ný fæða, nýr hugsunarháttur og ég árinu eldri (og vonandi þroskaðari og allt það...). Já batnandi mönnum er best að lifa, eða svo er sagt! ;o) Við Ernir höfum ákveðið að breyta aðeins um lífsstíl, sem felst í því að bæta mataræðið og hreyfa okkur meira. En ég vil samt taka það skýrt fram að við erum ekki í megrun, það er bara plús ef nokkur kíló fjúka af ;o) Ég hef líka ákveðið að hætta að vera svona löt og fara að gera hlutina í staðin fyrir að hugsa bara um þá og mikla þá fyrir mér. Þetta gengur ekki lengur, allt of mikið sem mig langar að gera en ekkert gerist. Og núna VERÐ ég að gera þetta allt saman fyrst ég er búin að segja þetta hér (vona bara að ég falli ekki í fyrstu tilraun :o/ ).

Eitt af því sem mig langar líka að bæta mig í, er að skrifa hérna inn á þessa síðu. Þó það væri ekki nema smá í hvert skipti. Jafnvel bara mynd og nokkur orð. Það væri gaman!
Og enþá skemmtilegta ef ég fengi fasta lesendur og komment inn á milli. Það er svo hvetjandi! :o)

Þennan kjól saumaði ég á síðustu önn (það byrjaði ný önn á mánudaginn). Ég er rosalega ánægð með hann og verð að viðurkenna að mér finnst það pínu leiðinlegt að hafa ekkert tækifæri til þess að nota hann. En það kemur kannski seinna.

Á þessari önn mun ég meðal annars læra að sauma korselett og korselett með innbygðum brjóstahaldara. Mun lika fá smá kennslu í undirfötum en við byrjum samt önnina á að læra um "óhefbundnar" ermar. Þetta legst bara vel í mig og það er sko alveg nóg að gera hjá okkur! :o)

Ég vona að þið munið vilja fylgjast með mér hérna á síðunni. En ég ætla að gera mitt besta í að skrifa hérna inn. Kannski ég setji mér bara fastann dag í það, en vonandi þarf þess ekkert ;o)

Þangað til næst :o)

Smá uppdeit

2011-06-12T12:57:00.000+02:00

Ég veit að það er meira en tveir mánuður síðan ég skrifaði hérna inn og flestir eru hættir að nenna að kíkja hingað inn. En ég ákvað samt að láta aðeins vita af mér.

Aprílmánuður var mjög góður. Æðislegt veður og maður komst sko í sumarfíling.

Við nutum þess að læra úti

Fórum í dýragarðinn á föstudaginn langa í æðislega góðu veðri. Páskarnir voru með þeim heitustu í Dk síðustu 10 ár, enda var geggjað veður allann tímann og maður naut þess að vera úti.

Maímánuður var hins vegar kaldur og leiðinlegur, það ringdi líka mikið. Ég var á fullu í skólanum. Fékk verkefni sem fólskt í því að sauma buxur og bol/peysu og gera möppu með tilheyrandi teikningum. Við áttum að velja okkur eitthvað hobby sem innblástur. Ég valdi mér vefnað (að vefa) sem tók aðeins lengri tíma heldur en ég ætlaði mér þar sem að bakið á peysunni minni var með leiðindi.

Ég þurfti að sauma þetta fast því annar hékk þetta bara laust niður. Ekki alveg það sem ég ætlaði mér, en þetta tókst á endanum.

Við fórum að sjá karnevalið hérna í Álaborg. Það var frekar kalt og svo byrjaði að rigna. Ég vorkendi aðeins þeim sem voru heldur litið klæddir en það hjálpaði örugglega aðeins til að þau komu dansandi upp götuna. Stóru atriðin voru flest mjög flott og á eftir komu svo allir hinir og inn á milli leyndust flottir búningar og vagnar.

Við hittum Peter vin Ernis sem skemmti sér vel í skrúðgöngu :)

Um síðustu helgi fórum við á Hjellerupmarket. Það var ýmislegt hægt að sjá þar og æðislegt veður.

Tíminn flýgur áfram og það er nóg að gera hjá okkur. Ernir er í prófum og klára þau 22. júní. Ég er að gera síðasta verkefnið á þessari önn, en það er hópverkefni og eigum við að skila því á fimmtudaginn. Svo er sýning hjá okkur í skólanum 22, júni þar sem við munum gana niður pallinn í fötunum sem við erum búnar að sauma. Svona eins og tískusýning. Og daginn eftir er lokahóf í skólanum þar sem við borðum saman hádegismat og tökum til fyrir sumarfríið. Viku seinna verð ég svo komin til Íslands. En einhverntíman þar á milli er stefnan tekin á Forubsommerland, sem er fjölskyldu skemmtigarður í hálftíma fjarlægð frá Álaborg. Þar eru víst rússibanar, vatnsleikjagarður og fullt af íslenskum hestum :) Ég hlakka mikið til, við höfum aldrei farið þangað.

Svo er lika U-21 landsliðin í fótbolta að keppa í EM hérna í Álaborg og Århus. Ernir ætlar að skella sér á eitthverja leiki, en í gær horfðum við á leikinn í miðbænum á stórum skjá. Það var svolítið af íslendingum þar sem búa hérna. Held við höfum flest öll komist í mynd þar sem sjónvarpsmyndatökumennirnir voru nokkrir og þóttu nokkuð gaman að taka myndir af okkur.

Það verður því nóg að gera á þessum tveimur og hálfri viku sem eftir er áður en ég kem heim í 6 vikna sumarfrí. Ég er orðin svolítið spennt, finnst þó pínu skrítið að það sé alveg að koma að þessu. Það er líka svo mikið um að vera hjá okkur. Ernir kemur svo heim í endaðan júlí, en hann ætlar að vinna aðeins áður enn hann kemur heim.

Ég reikna ekki með að skrifa aftur hérna inn áður en ég fer heim og ekki mun ég skifa neitt á meðan ég er á Íslandi. Svo næst verður það í ágúst eftir að ég verð aftur komin hingað út.

Hlakka til að sjá ykkur í sumar

Kveðja úr sólinni í Álaborg :)

P.s. Ég setti fullt af myndum inn á myndasíðuna mína :)

Alveg að koma sumar....

2011-04-07T17:53:00.000+02:00

Tíminn flýgur áfram.... áður en ég veit af verður þessi skólaönn búin og ég komin heim til Íslands í sumarfrí.
Það styttist í sumarið hérna í Álaborg. Klukkan er allavega komin á sumartíma svo núna eru tveir klukkutímar á milli Íslands og Danmörk. Það er búið að vera ekta vorveður hérna undanfrarna daga. Um helgina á samt að vera voðalega ljúft veður, yfir 10°C og smá vindur (það er sko aldrei logn hérna í Álaborg).

Skólinn gengur mjög vel. Ég skilaði verkefninu mínu á þriðjudaginn síðasta, og er bara nokkuð sátt með það. Núna vorum við að byrja á buxunum svo næstu dagar fara í það að teikna upp allskonar buxur í kvartmálum og gera nokkrar saumaprufur. Hugurinn er kominn á fullt og ég ætla mér að sauma mikið meira en ég á nokkurntíman eftir að komast yfir. Það þarf svo lítið til þess að hugurinn fari af stað. Og það getur verið mjög hættulegt að fara inn í efnabúðir, því ef maður sér eitthvað flott efni er maður strax kominn með hugmynd um hvað maður gæti saumað úr því. Um daginn tókst mér að versla alveg helling af efnum á met tíma. Hef aldrei tekið svona margar ákvarðanir á svona stuttum tíma (enda þarf ég vanalega að hugsa vel og lengi um hlutina áður en ég ákveð eitthvað). Svo núna verð ég bara að vera dugleg og teikna snið og sauma..... Vona að ég nái allavega að gera eitthvað fyrir utan skólaverkefnin....

Annars er voðalega lítið að frétta. Ég hef ekki tekið neinar myndir, en kannski get ég bætt úr því um helgina í góða veðrinu. Annars finnst mér svolítið skrítið að hugsa til þess að það sé enþá vetur á Íslandi. Finnst það ekki alveg passa þegar það er komið vor hjá mér. En ég vona nú samt að góða veðrið fari líka að láta sjá sig hjá ykkur.....eða er það kannski komið til ykkar líka?

Hafið það sem allra best! :)

Kv. Tinnslan með rauða nebbann...

smá uppdeit

2011-03-13T13:31:00.000+01:00

Við skemmtum okkur vel á Þorrablóti. Maturinn var ótrúlega góður, allavega hangikjötið og lambalærið ;o) og hljómsveitin var skemmtileg. Ég allavega dansaði þangað til ég gat ekki meira. En því miður voru ekki margar myndir teknar þar sem myndavelin var að mestu ofan í tösku.

Sniglabandið :)

Myndavelin hefur reyndar verið voðalega lítið á lofti og því hef ég ekki mikið af myndum til þess að sýna ykkur. Ég setti þó nokkar myndir inn á myndasíðuna mína. Kannski ég geti reynt að muna meira eftir myndavelinni.....en ég lofa engu ;o)

Skólinn gengur mjög vel. Ég er búin að sauma mér eitt pils, sem fær að vera á góðum stað í fataskápnum. Núna er ég að undirbúa það að sauma mér bol og svo fáum við verkefni á morgun sem felst í því að sauma pils og bol. Og svo eigum við að framleggja það fyrir framan allar stelpurnar í skólanum og skila inn möppu með vinnuteikningum og fleiru. Ég hlakka pínu til, ég er allavega komin með góða hugmynd af því sem ég ætla að gera. Annars er ég bara búin að vera að teikna snið í 1/4 og sauma saumaprufur.

Ernir er líka á fullu í skólanum. Ég veit samt í rauninni ekkert hvað hann er að gera, man ekki einu sinni um hvað verkefnið sem þeir eru að skrifa er um....eða hvað, kannski var það.....hummm það tengist allavega eitthvað bílum. Jebb svona mikið er ég inni í hlutunum hehe :o)

Núna er hann í vinnunni, en hann er aftur byrjaður að vinna um helgar á hótelinu.

Annars er voðalega lítið að frétta af okkur. Lífið þessa dagana snýst um skóla, ræktina og heimilisstörf. Svo það er nóg að gera.... :o)

Í gær ákvað ég að baka eitthvað til þess að hafa í nesti í skólann. Fannst það sniðugara heldur en að fara alltaf í bakaríið sem er beint á móti skólanum. Og útkoman varð þessi: "smá"kökur, pulsuhorn, pitsasúðar og skinkuhorn :o)

Ég vona að það muni ekki líða eins langur tími þangað til ég skrifa aftur. Og ég vona að þið hafið ekki gefist alveg upp á mér.... ;o)

Vona að þið hafið það sem allra best

Kveðja úr vorveðrinu í Álaborg

Saumakassinn minn :o)

2011-02-12T12:32:00.000+01:00

Nú eru tvær vikur búnar af skólanum og það gengur bara mjög vel. Við höfum verið að teikna mysmunandi snið af pilsum í hlutfallinu 1/4 og gera saumprufur. Svo fljótlega á ég að sauma prufu pils. Það er þónokkur heimavinna. Okkur er þó ekki sett fyrir frá degi til dags heldur fengum við búnka af blöðum með teikningum og saumprufum sem við eigum svo að vinna sjálf á okkar hraða, en þó að vera búin með þetta fyrir annarlok. Helst samt áður en við fáum næsta búnka, sem er um næstu mánaðarmót.

Ég hlakka til þess að sauma eihverjar flíkur, núna þyrfti ég að fara að skissa og reyna að fá hugmyndir af eihverju sniðugu ;o)

En annars er voðalega fínt að vera komin í rútínu aftur. Þarf samt að venja mig aðeins við að hafa alltaf þriggja daga helgi því það er ekki kennt á föstudögum. En ég reyni nú samt að nýta tímann og vinna heima, eða fara í skólann og læra þar.

Á laugardaginn fyrir viku fórum við Hafdís á Loppumarkað, ætli það heiti ekki bara Flóamarkaður á íslensku? Allavega var fólk að selja gamalt, notað dót og sumir voru með handverkið sitt.

Ég keypti mér þennan ótrúlega flotta saumakassa. Ég er svo ánægð með hann!

Það voru tvær gamlar konur að selja svona kassa, ásamt öðru. Munstrið er handskorið og ótrúlega flott.

Hann opnast svona í báðar áttir. Fullt af plássi :o)

Keypti líka svona smákökudisk

Og svo gat ég ekki slept þessu flotta jólasveinapari.

Það var bara eitthvað svo heillandi við þau. Hún heldur á pakka fyrir aftan bak :o)

Í kvöld ætlum við svo að skella okkur á Þorrablót hjá Íslendingafélaginu hérna í Álaborg. Ég hlakka ótrúlega til að fá hangikjöt og lambalæri, en ég er ekkert voðalega hrifin af súrmat. Get þó borðað nýja svínasultu og kannski eitthvað meira. En hangikjötið ætla ég að njóta að borða......og það mikið af því ;o)

Sniglabandið ætlar svo að leika fyrir dansi og verður það örugglega mikið stuð!

En núna ætla ég að hafa mig til svo ég geti farið að hjálpa Didda við að gera eftirrétt kvöldsins klárann.

Eigið góða helgi

Kv. Tinna Rut

Skóli :o)

2011-01-30T20:32:00.000+01:00

Skóli á morgun :o) Skólataskan er orðin klár og bíður til morgundagsins. Ég er orðin pínu spennt, en líka nokkuð stressuð fyrir fyrsta deginum. En ég held samt að þetta eigi bara eftir að vera gaman. Ég veit samt að þetta á eftir að vera mikil vinna, því ég veit að það er þó nokkur heimavinna. En ég hlakka bara til! :o)

Það verður svo gott að komast í rútínu aftur ;o)

Við Hafdís fórum á sýningu hjá skólanum á miðvikudaginn. Það var ótrúlega gaman að sjá hvað þær eru búnar að vera að gera í skólanum. Margt mjög flott. Það er svo gaman líka að sjá hvað það er mismunandi smekkur hjá fólki og að sjá allar hugmyndirnar sem þær hafa fengið. Vona bara að ég verði ekki hugmyndasnauð, það er það sem ég óttast mest. En ég trúi því að það koma með timanum ;o)

Þetta er Katrine vinkona mín úr lýðháskólanum. Hún er að fara á þriðju önn í skólanum. Verkefnið var að gera "skemmtilegan" kjól :o) Það verður gott að hafa einhvern sem ég þekki í skólanum og hefur gert það sem ég er að fara að gera. Það eru reyndar líka tvær íslenskar stelpur í skólanum, ein sem er að fara á aðra önn og önnur sem er að fara á fjórðu og síðustu önnina.

Myndinni stal ég af Facebook, en mér finnst þetta bara svo flottur kjóll að ég ákvað að leyfa ykkur að sjá hann :o)

Ernir er búinn í prófum og er í vetrarfríi fram á þriðjudag. Svo á morgun vakna ég í skóla en hann fær að sofa út. Það hefur ekki gerst mjöööög lengi, yfirleitt er það öfugt og ég sef út. Enda kvíður mig pínu fyrir því að þurfa að vakna svona snemma á morgun, því ég er jú vön að fá að sofa alltaf út....

En hann stóð sig vel í prófunum. Hann á reyndar eftir að fá út úr einu prófi, en það hlítur að koma fljótlega.

Knús og kram

Tinna Rut

Breyting :)

2011-01-13T20:14:00.000+01:00

Við Ernir ákváðum að kaupa okkur ný húsgögn fyrir pening sem við fengum í jólagjöf. Við ákváðum að henda út sjónvarpsskápnum sem við fengum gefins þegar við fluttum inn og kaupa okkur kommóðu í IKEA í staðinn. Og svo keyptum við aðra hærri kommóðu og settum í staðin fyrir þá sem við vorum með. Ætluðum að henda þeirri gömlu út, en fundum svo fínan stað fyrir hana inn í herbergi :o) Ernir fékk svo hillur í jólagjöf sem við ætlum líklega að hengja upp fyir ofan sjónvarpið. Þá verður veggurinn ekki eins tómlegur ;o)
Stofan okkar hefur því breyst aðeins. Og er orðin mun bjartari en hún var :o)

Orðið svo fínt hjá okkur :o)

Annars er bara fínt að frétta. Ég er að fara í skólann á morgun. Það á að kinna þetta betur fyrir okkur og segja okkur hvað við þurfum að hafa með í skólann og svona. Og svo byrjar kennslan 31.janúar. Ég er orðin pínu spent og svolítið kvíðin, því ég veit ekki alveg við hverju ég á að búast. Hef heyrt ýmislegt, bæði gott og ekki eins gott um skólann. En það kemur bara í ljós, það verður allavega gott að fá rútínu sem felst í einhverju öðru en að sitja heima ;o)

Ernir er á fullu að læra undir próf. Hann er búinn að fara í þrjú og á tvö eftir. Það verður fínt þegar hann verður búin með þau.

Ætla að segja þetta gott í bili

Kveðja úr snjókomunni í Álaborg

Gleðilegt nýtt ár :)

2011-01-02T21:42:00.000+01:00

Jólalögin ómuðu, jólaskraut prýddi heimilið, fjórar smákökusortir litu dagsins ljós, jólagjöfum pakkað inn og sendar til Íslands og jólatréð skreytt á Þorláksmessudag. Já jólaundirbúningurinn gékk vel á þessu heimili þrátt fyrir litla jólastemningu.

Jólatréð okkar :)

Við erum búin að hafa það mjög gott yfir jólin. Ég verð þó að viðurkenna að þetta hafa verið öðruvísi jól fyrir mig, skiljanlega þar sem þetta voru mín fyrstu jóla að heiman - engin mamma og pabbi....og Gunnar, ekki talað um að fara að mjólka, enginn hamborgahryggur, ekki hangjöt á jóladag og kaffi hjá ömmu, ekkert jólaball og engin áramótabrenna.

En í staðin er ég búin að vera í góðra vina hópi, smakka rjúpur og önd, fá fullt af fiskmeti á jóladag, borða íslenskt lambalæri, nautasteik og kökur - Og búin að læra að sitja við matarborð í marga klukkutíma og borða! Já allan tímann ;)

Þess á milli hef ég setið heima og lesið í bók, horft á sjónvarpið og hámað í mig makkintosi - Já ég er sko að standa mig vel í makkintosinu :) úfff

Ernir hefur hins vegar notað dagana á milli hátíða í það að læra undir prófin sem eru núna í janúar. En á meðan hann sekkur sér í lærdóminn hef ég notið þess að lifa leti lífi og sofið út.

Sætu skötuhjúin mín :)

En núna er komið árið 2011. Sem mér finnst frekar skrítin tala, hún er heldur ekkert of flott. En hvað um það. Ég held að þetta hafi verið í fyrsta skipti í langan tíma þar sem ég skýt ekki upp rakettu. Og ég setti mér engin áramótaheit í þetta skiptið og fattaði það ekki einu sinni fyrr en í gær. Og mér er bara alveg sama, þar sem það hefur hvort eð er ekkert virkarð. Í staðin naut ég þess að horfa á alla flugeldana. Við stóðum á svölunum og horfðum yfir bæinn. Þetta var ótrúlega flott og ótrúlega mikið að mínu mati. Við sáum yfir stórt svæði og þar af talið miðbæinn. Ég held að ég hafi aldrei séð svona mikið af flugeldum áður, ápunktur kvöldsins ;)

En þó svo að árið 2010 hafi ekki verið slæmt, þá vona ég að 2011 verði enn betra. Markmiðið er allavega að uppgötva, breyta og njóta vel! :)

Takk kærlega fyrir alla jólapakkana og jólakortin, mér þykir gaman að sjá hvað margir sendu mér jólakort :)

Takk fyrir góðu stundirnar á liðnum árum og ég vona að nýja árið muni verða ykkur öllum gott :)

Kær kveðja

Tinna Rut

Það eru komnar nýjar myndir á myndasíðuna mina :)

Jólahugga

2010-12-10T18:46:00.000+01:00

Á hverjum degi þegar ég kem heim, kveiki ég á tölvunni og stilli á jólastjarnan.net og hækka vel. Ég er búin að setja seríu í stofugluggann, hengja upp jólaskraut í gluggann, hengja nokkrar jólakúlur í loftljósið yfir eldhúsbekknum og stilla nokkrum jólastyttum í hillurnar. Við erum líka búin að fjárfesta í gervijólatré sem verður still upp og skreytt á Þorláksmessu :) Þannig að það er að verða nokkuð jólalegt hérna hjá okkur. Og ekki skemmir fyrir að hafa allan snjóinn úti. Ég náði líka að baka tvær sortir af smákökum á miðvikudaginn og ég er eiginlega búin að kaupa allar jólagjafir. Það má því segja að allt sé að verða klárt fyrir jólin. En jólaskapið er ekkert allt of mikið, það svona kemur og fer. En það kemur allt saman á endanum :)

Námskeiðið gengur vel. Við erum á fullu í að gera okkur framtíðsplan, plan A, B og C. En það er allt í fínu hjá mér þar sem að ég ER KOMIN INN Í SKÓLA og byrja í febrúar :) þ.e. ef ég fæ námslán fyrir þessu öllu saman. Ég var sem sagt í viðtali í Tekstilhåndværkerskolen í dag, hann er staðsettur hérna í miðbænum. Þetta er einkarekinn skóli og þess vegna eru skólagjöld í skólann og þau eru frekar há. Og svo kemur efniskostnaður ofan í það líka. Gleði gleði! En vonandi er þetta þess virði og ég geti kallað mig klæðskera eftir rúm tvö ár :)

Skólinn hjá Erni gegnur held ég bara vel. Þeir (grúbban hans) eru búnir að skrifa verkefnið sem þeir hafa verið að vinna að alla önnina og eiga að skila núna 21. desember. Næsta vika mun að mér skilst fara í það að yfirfara og leiðrétta. Og svo eru prófin í janúar, þannig að jólafríið hjá honum mun að mestu fara í það að læra.

Um helgina ætla ég að hafa það huggulegt heima hjá mér og jólast. Vona að þið munið líka hugga ykkur aðeins ;o)

Kv. Tinnslan

Fyrsti í aðventu

2010-11-28T22:49:00.000+01:00

Í dag er fyrsti sunnudagur í aðventu. Það þýðir að það er bara ekki svo langt til jóla. Jólaskapið mitt datt niður eftir að ég kom aftur hingað út til Álaborgar, eftir að hafa verið heima á Íslandi í tæpar þrjár vikur. En ég hef þó verið að hlusta á jólalögin síðustu daga á meðan ég bardúsa eitthvað hérna heima. Ég náði líka að kaupa fyrstu jólagjafirnar í vikunni, svo þetta fer örugglega allt að koma. Jólaskapið verður komið áður en ég veit af og jólaundirbúningurinn kominn á fullt. Ég er jafnvel að hugsa um að skreyta aðeins hérna á morgun. Ég þreíf svolítið í dag og bjó til kertaskreytingu. Ákvað að það yrði ekki neinn aðventukrans gerður þetta árið. En langaði þó að fá smá greni inn á heimilið svo ég skellti mér í það að gera skreytingu í dag.

Á þriðjudagsmorgunn var allt orðið hvítt þegar ég vaknaði. Það var svo ótrúlega gaman að fá snjóinn hingað. Og hann hefur ekki farið enn, það bætist bara meira við þar sem að það einmitt kingir niður snjó núna :) Það eru svo eitthvað notalegt að horfa út um gluggann og horfa á snjóinn falla niður. En það er líka ótrlúlega kalt úti og svolítil hálka sumstaðar. Ég veit ekki alveg hvernig þetta verður á þriðjudaginn þegar ég þarf að hjóla á námskeiðið. Ég er pínu smeik við að hjóla í snjó, en það er örugglega bara af því að maður er ekkert vanur því. Þeir eru nú samt dugleigir að salt hérna eins og sést á skónum okkar. En það er bara að fara varlega!

Svona leit garðurinn okkar út á þriðjudaginn :)

Eigið góða viku :o)

Kuldi og jólaskap

2010-10-21T11:45:00.000+02:00

Það er orðið ótrúlega kalt úti. Samkvæmt veðurstofunni eru 4,4 gráður hérna í Álaborg. Birrrr.... :ol Ég held að það verði ekki langt þangað til að ég taki fram úlpuna mína. Og ég verð eiginlega að viðurkenna að mig hlakkar barasta pínulítið til að fara að nota hana aftur :o) Ég er líka farin að fá það á tilfinninguna að það eigi að vera snjór úti. Og stundum verð ég frekar svekt þegar ég kíki út og sé rigningu í staðin fyrir snjó. Mér finnst ekkert gaman af rigningu...

Ég er komin í svolítið jólaskap. Er aðeins farin að huga að jólagjöfum og jólunum sjálfum. Búðirnar eru líka að byrja að setja upp jólaskraut í hillurnar og ég má hafa mig alla við að freistast ekki til þess að kaupa það. Ég er svolítið veik fyrir jólaskrauti og langar i svo margt. Ég er búin að kaupa tvö jólaskraut í þessum mánuði, en ætli fleira bætist ekki við þegar nær dregur jólum og jólaskapið hellist algjörlega yfir mann. Hlakka til :o)

Í vikunni fékk ég bréf með póstinum. Á mánudaginn á ég að byrja á fimm vikna námskeiði. Það á eitthvað að hjálpa mér við að finna út hvað mig langar að læra og hjálpa mér af stað í atvinnuleit og eitthvað þvítengt, ef ég skilti þetta rétt. Ég er samt eiginlega búin að ákveða að sækja um í einum skóla hérna næsta haust. Á bara eftir að útvega mér umsóknarblaðið og rippa þessu af. Það einhvernvegin gerist stundum ótrúlega lítið þó svo að ég ætli mér margt.
En það verður fínt að fá smá rútinu og hafa eitthvað sem kemur manni upp úr rúminu á morgnanna. Það getur stundum verið erfitt.... Ég held að þetta verði bara fínt, ég reyni allavega að vera ekki of svartsýn á þetta.

Smá haust skreytingu í kertastjakann

Undanfarnir dagar...

2010-10-14T20:25:00.000+02:00

Svona héldum við upp á 10.10.10 :)

Á laugardaginn fórum við á Velkomstball hjá íslendingafélaginu. Það var fullt af fólki, en fáir sem við þekkjum. Enda þekkjum við ekki svo marga íslendinga hérna. Þetta var samt fínasta skemmtun :o)

Ég fór í vikunni í frysta skipti í sund hérna í Álaborg. Ég fór með Ninu og Bylgju. Það var ótrúlega gaman og ég er alveg viss um að ég eigi eftir að fara aftur fljótlega þó svo að það vanti alveg Heitan pott. Það er samt heitur pottur þarna inn í svona afslöppunarsvæði sem er bannað innan 18 ára aldurs. Hann er samt ekkert allt of heitur, en það gerir ekkert til. Það voru líka fjórar mismunandi sánur og heitur pottur úti. En hann var nú samt bara 28 gráður þegar við vorum þarna. Það var samt notalegt að komast í sund :)

Í gær fórum við Ernir og Hafdís í seinnipartsferð í Ikea. Það var æði hvað það var lítið af fólki þarna. Við vorum að koma þangað svona um kl 18, löbbuðum efrihæðina og fengum okkur svo kvöldmat á veitingastaðnum. Ég fékk mér kjötbollur sem voru ótrúlega góðar. Ég var/er alvarlega að hugsa um að mæta næst með dollu af rabbarbarasultu, svona til þessa að fullkomna máltíðina ;o) hihi. Haldið þið ekki að ég tæki mig vel út með dolluna? Ég fékk smat að vita að ég fengi að sitja ein ef ég léti verða af þessu. hihi :) Ég sakna svona heimilismats....islenskan mats mmmmm bjúgu, slátur, kjötfarsbollur. Ég fæ bara vatn í munninn....

Þetta er eitt af því sem kom með heim frá Ikea :)

Vona að þið hafið það gott :o)

Mufffins æði

2010-10-06T22:12:00.000+02:00

Nokkrar möffinskökur urðu til i dag. Það ríkir eitthvað muffins æði á þessu heimili. Það er lika svo gaman að baka þessar litlu kökur :o)

Á sunnudaginn siðasta fórum við Hafdis í Stof og stíl (búð sem selur efni). Ég fékk mail um að það ætti að vera svona sýnikensla, eða eitthvað þess háttar. En ég get nú ekki sagt að þetta hafi verið merkilegt. Við allavega lærðum ekkert nýtt. En eyddum helling af tíma inn í búðinni að skoða efni og spá í hlutunum. Ég kom heim með smá í safnið mitt, sem stækkar óðum. Ég fór nefninlega aftur í dag og auðvitað kom ég heim með nokkra efnisbúta. Svo núna verð ég að fara að gera eitthvað úr þessu!
Finnst samt alltaf jafn undarlegt hvað ég get eytt miklum tíma inn í svona búðum. Mér finnst það æði þegar ég hef nógan tíma til þess að labba um, fram og til baka og skoða öll efnin . Spá í hvað ég gæti saumað úr þeim og föndrað. Hugmyndir fæðast og gleymast aftur, en poppa svo oft upp aftur seinna. Freistingarnar eru ansi miklar, stundum tekst mér nú samt að standast þær en ekki í dag. Eða hvað?

Genbrug

2010-10-04T10:40:00.000+02:00

Við Hafdís skelltum okkur í genbrugs búða leiðangur á föstudaginn. Það eru svona búðir með notað dót eins og rauðakrossbúðir og góði hirðirinn. Það var svolítið gaman að koma inn í þessar búðir og sjá hvað er í boði. Það er samt allraf pínu spes lykt inn í svona búðum. Ekkert sérstaklega góð, en þolanleg svona rétt á meðan maður er þarna inni.

Ég fan mér nokkrar gamlar skeiðar og salatgaffal í einni búðinni. Það eru flott munstur á þeim, þó ekki það sama á öllum. Enda er ekkert sem segir að þær þurfi að vera alveg eins. Stærsta skeiðin er samt svolítið svört. Ég er búin að reyna að þrífa hana en ég held að þetta sé fast, en það gerir svo sem ekki mikið til. 10 krónur danskar fyrir þessi fínheit. Mér finnst það nú ekki mikið :o)

Rólegheit...

2010-09-26T17:27:00.000+02:00

Ég finn að haustið er komið. Það er orðið svo kalt úti, samt ekkert svo. Mér finnst eins og haustlitirnir eigi að fara að koma, en laufin eru rétt aðeins farin að gulna. Ég hef það líka á tilfinningunni að það eigi að fara að snjóa fljótlega. En ég efast stórlega um að það fari að gersast hérna í danaveldi þó svo að fjallatopparnir á Íslandi sé farnir að grána.

Í gær var mjög gott veður. Það var sól og hlítt, peysuveður sem var æði. Við Hafdís skelltum okkur í IKEA. Ég kom heim með nokkra hluti, þó ekki eins marga og ég bjóst við. Ég er örugglega sú lélegast í því að standast freistingar, enda sankast að mér allskonar hlutir....

Fann þetta efni í IKEA og gat bara ekki staðist það. Litríkt og flott munstur :o) Keypti mér líka lítið straubretti sem er sett á borð. Svo er krókur á því svo maður getur hengt það inn í skáp. Þeir eru svo sniðugir í IKEA ;o) Nokkur kerti í kertastjakann frá Köllu og muffinsform fengu líka að fljóta með heim.

Í dag er ég búin að hafa það notalegt fyrir framan sjónvarpið og í eldhúsinu. Teiknimynd og kökuskreytingar.

Prófaði að gera sykurmassa úr sykurpúðum í fyrstaskipti. Það gekk ekkert allt of vel. Var ekki eins viðráðanlegur og marsipanið sem ég er mun vanari að vinna með. En ætli þetta komi ekki allt með æfingunni eins og flest annað. Ég á allavega góðan klump af sykurmassa inn í ísskáp sem ég get æft mig með. Ég endaði samt á því að ná í súkkulaðið og sprauta því á. Hugmyndaflugið ákvað hins vegar að vera í fríi í dag svo útkoman varð ekkert voðalega frumleg. En fin nok svona af tilefnislausum ástæðum ;o)

Rigning og meiri rigning...

2010-09-22T10:50:00.000+02:00

Litil skuggamynd af kisa sem ég kláraði fyrir nokkrum dögum. Kannski pínu jólaleg...? allavega pínu krúttleg :)

Dagarnir renna svolítið saman þegar maður er bara heima í litlu ibúðinni og reynir að finna sér eitthvað að gera. Ekki það að ég á ekkert í vandræðum með að finna mér eitthvað að gera hérna heima. En það virðist vera ótrúlega erfitt að koma sér af stað í að gera hlutina. Sófinn og tölvan virðast hafa ótrúlegt aðdáttarafl. Ég er þó að dunda mér við ýmsa handavinnu og saumavelin mun koma upp í dag :) Þá kannski verður hún uppivið í nokkra daga....
Atvinnuleitin gengur ekkert voðalega vel. Ég sæki um og bíð svo eftir svari sem ég mun að miklum líkindum ekki fá, allavega hefur það verðið svoleiðis hingað til. En það þýðir ekki að fást um það, heldur bara að halda leitinni áfram.

Haustið er komið hingað, það er að vísu löngu komið, en maður hefur fundið svo mikið fyrir því síðustu dagana. Það er orðið svo kallt og það er búið að rigna í viku eða meira. Þó ekki alveg stanslaust, en eitthvað á hverjum degi. Í gær ringdi ekkert en það á víst að byrja að rigna aftur á morgun. Ég ætla því að nota tækifærið og hjóla í búðina í dag. Ég nenni því aldrei ef það rignir, allavega ekki þegar það rignir svona mikið eins og hefur verið. Ég er orðin pínu þreytt á þessari rigningu, finnst þetta orðið gott í bili.

Stutt vika

2010-09-15T20:31:00.000+02:00

Ég hef oft sagt að danir séu skríttnir. Ég held að ég haldi mig bara við þá kenningu. Þetta var frekar stutt vika, svona allavega miðað við það að vikunámskeiðið sem ég var á er búið. Og það bara miðvikudagur vúhú! Ég get nú ekki sagt að ég hafi grætt mikið af þessu námskeiði. Upplysíngarnar um nám voru ekki miklar og miðaðar við fólk sem hefur aðeins lokið við grunnskóla. Jú ég lærði aðeins af upplysíngunum um hvernig eigi að sækja um vinnu.

En svo græddi ég annað námskeið. 5 vikur til þess að taka ákvörðun um það hvað mig langi að læra og finna út úr því. Byrjar 21. eða 25. október. Ég er ekkert yfir mig spennt frekar enn fyrri daginn. En er þó bjartsýnni með þetta námskeið heldur en það sem ég var að klára. Þó finnst mér þetta óþarflega langur tími.

En annars langar mig á allt öðruvísi námskeið. Langar á handavinnunámskeið. Langar bæði á broderi námskeið og að læra að knippla. Ég held að það sé ótrúlega gaman. En þessi námskeið kosta aðeins, en samt kannski ekkert mikið miðað við það að þau eru alveg fram í febrúar. Og þar af leiðandi þori ég ekki að skrá mig þar sem ég veit ekki hvort ég fái vinnu fljótlega og hvenar dags sú vinna verður.

Ég hef því ákveðið að geyma knipplið aðeins og leika mér með bróderíið hérna heima. Verst að mér verður svo lítið úr verki :o/ Þarf alltaf svo mikið annað að gera þó svo ég viti stundum ekkert hvað það er.

Einn lítill grísli sem ég saumaði um daginn. Hann er eitthvað svo frjáls og glaður :)

2010-09-11T18:14:00.000+02:00

Já ég ákvað að gera mér nýja síðu svo ég geti notað myndir í bloggin mín. Það var ekki alveg að virka hjá mér á hinni síðunni. Og svo var mig líka farið að langa að skipta um umhverfi hérna á netheimum.
Ég hef ákveðið, eins og heiti síðunnar gefur til kynna að skrifa um allt og ekki neitt á þessari síðu. Það gerist nefninlega ekkert allt of mikið í mínu daglega líf til þess að skifa um. Svo ég mun bara skrifa um allt sem mér dettur í hug. Og nú tala ég eins og ég ætli mér að vera rosalega dugleg að blogga. Ég skal reyna, en ég ætla samt ekki að lofa neinu. Ég vil nefninlega ekki brjóta loforð, mér finnst það ekkert gaman ;o)

Síðan ég kom út hef ég setið rosalega mikið í sófanum. Ég hef hinns vegar gert ýmislegt. Horft á sjónvarpið, saumað í og lesið bók. En ætli ég hafi samt ekki mest setið fyrir framan þessa blessuðu tölvu. Þar er Facebook mesti tímaþjófurinn og finnst mér það alltaf jafn ótrúlegt hvað maður getur hangið þar inni og gert bara alls ekki neitt. En nýjasta æðið mitt er samt að skoða handavinnublogg og blogg hjá fólki sem finnst gaman að innrétta heimili. Mér finnst það æði og ég er sko búin að sjá fullt af sniðugu! :)

Atvinnuleitin hefur ekki gengið neitt sérstaklega vel. Ég hef sótt um á fullt af stöðum en það er fátt um svör. En ef ég fæ svar þá er það um það að einhver annar af þeim 270 manns sem sótti um hafi fengið stöðuna.
Ég fór á miðvikudaginn og skráði mig atvinnulausa (hefði kannski átt að vera búin að því fyr) og sótti um atvinnuleysisbætur. Og þá var ég skráð á viku námskeið, 5 tíma á dag, vegna þess að ég sagðist ekki alveg vita hvað mig langaði að læra. Byrjar á mánudaginn kl 09:00 takk fyrir pent! :o/ Já já þetta verður bara fínt, ég fæ þá hjólatúr á hverjum degi :) Og fæ kannski smá hjálp í þessari atvinnuleyt í leiðinni.

Ég hef sett inn myndir á myndasíðuna mína. En þið finnið tengil á hana hérna til hliðar. Ég hef verið annsi léleg í að taka myndi. Ég er eiginlega pínu fúl við sjálfa mig yfir því hvað ég tók lítið af myndum í sumar :( En ég átti frábært sumar og gerði ýmislegt skemmtilegt heima á Ísalndi. Eins og alltaf leið tíminn allt of fljótt og helmingurinn af því sem maður ætlaði sér að gera verður að bíða betri tíma. En svona er það bara!

Krúsídúllurnar mínar :)

Við pabbi og mamma fórum í smá ferðalag. Hérna erum við í kvöldgöngu á Laugum þar sem að við gistum eina nótt.

Áfram hélt ferðalagið og var næsti áfangastaður Dimmuborgir. Við löbbuðum þar um og skoðuð ýmislegt. Keyrðum svo á Vopnafjörð, yfir Hellisheiði eystri og enduðum á Eskifirði þar sem við vorum yfir helgi.

Ég fór með Söndru og krökkunum í Árneshreppinn. Það er alltaf jafn gaman að koma þangað og endalaust fallegt. Við byrjuðum á því að fara í sund og fórum svo í fjöruna í Norðurfirði. Ísak Logi óð upp að hnjám og við Birgitta lékum við hundinn í Steinstúni. Sandra tók myndir og hló. Það er alltaf svo gaman hjá okkur ;o)

Ég skellti mér svo á ball með fullt af skemmtilegu fólki þar sem Geirmundur lék fyrir dansi. Hitti annað skemmtilegt fólk. Og skemmti mér rosalega vel. Eina myndin sem tekin var þetta kvöld er af foreldrum mínum á dansgólfinu. Þau eru yndi :o)

Læt þetta duga í bili
kv. Tinna Rut